الثلاجة واحدة من أهم الأجهزة في كل بيت، وعشان كدا Wowmart بتقدملك 10 خطوات تقدري تحافظي بيهم علي ثلاجتك، بأقل مجهود ومن غير وقت
1- الشريط المطاطي اللي علي باب الثلاجة ضروري يتنظف من فترة للتانية، لأنه مهم جدا في الحفاظ علي درجة حرارة الثلاجة الداخلية و بيمنع اي ترسيب للهواء البارد عشان كدة لازم تتأكدي انه مقفول كويس و نظفيه من فترة للتانية. و تقدري تتأكدي من سلامة الشريط بتجربة بسيطة انك تقفلي باب التلاجة علي اي 5 جنيه ورق و لو قدرتي تسحبيها بسهولة بعد ما تقفلي الباب يبقي الشريط محتاج صيانة.
2- ادي الثلاجة مساحتها لأن التهوية مهمة جدا ليها من ورا ومن الجنب، لأن دا بيحافظ علي دورة التبريد لماتور الثلاجة.
3- نظفي الثلاجة ديماً من الاطعمة القديمة علشان تحافظي على سلامة الاكل و ريحة الثلاجة.
4- متسيبيش باب الثلاجة مفتوح لمدة طويلة تزيد عن 30 ثانية.
5- تغيير درجة الحرارة الثلاجة في الصيف والشتاء على حسب الموسم حاجة مهمة متنسيهاش.
6- متحركيش الثلاجة من مكانها كتير و لو حركتيها متشغليهاش بسرعة لأنها بتتعرض للأهتزاز و ممكن تسبب عطل.
7- حافظي علي فتحة الصرف جوة الثلاجة ، اغلب الثلاجات بيكون فيها فتحة صرف داخلية لازالة اي كثافة في الهواء الداخلي ليها.
8- ضروري نتأكد إن الثلاجة واقفة علي أرض مستوية عشان الباب يقفل كويس لأن عدم توازن الثلاجة هيسبب اهدار للطاقة و استهلاك أعلى للكهرباء.
9- المحافظة علي درجة حرارة الثلاجة ما بين 3 ل 5 درجات مئوية.
10- تنظيف المواسير الخلفية للثلاجة (السربنتينا) باستمرار أمر مهم لأن ده بيضمن آداء كويس و مثالي للثلاجة علطول.
